Jumat, Juni 15, 2007

Bakudapa sabtu 9 Juni...

Cerita dari Ika tentang acara bakudapa:

Waktu acara baku dapa Sabtu,9 Juni 2007 lumayan yg ada ta kumpul. Kebanyakan angkatan muda, trus ada tamu spesial dari Ternate yang sementara "bertapa" di Bogor. 2 orang dari Bogor datang duluan,so marah2 lantaran org yg ada ba undang ada sadiki telat datang... maklum waktu di Jakarta kan kalo wiken mundur 2x lebih lambat dari hari kerja. Kira2 jam 2 siang baru samua ta kumpul, torang sepakati nimbole makan kalo K'Oza sebagai Ibu Suri blom datang. Yang ada ta kumpul (mulai dr yg tua2) : K'Oza, Jefry Bemba, K'Ine Rogi,Qta,Nancy, Silo,Anto, Levi,Lady, Lony,Widi, Toton dgn Ate (Ate telat datang makanya nda ada depe foto) plus 1 tamu Lady pe pacar kote Lantaran nda banyak depe "Leluhur" makanya torang cuma banyak ba cirita, ba nostalgila waktu jaman kuliah dulu...maklum depe tukang angka cirita merangkap tukang hujat toh ada..Upss sory Bemba ;) Sorry kalo nda ada pembahasan soal kemajuan IK dan sebagainya, qta cuman ada foto copy beberapa itu proposal penanaman bakau dan pembersihan karang kong kase liat pa dorang. Intinya sebagai alumni dorong bersedia membantu biar cuma 1 ato 2 pera..
Blom puas ba kacau di Ambasador torang naik Trans Jakarta ka Monas. Ciritanya torang mo bawa pa Bemba kase liat tu Monas dang... Nyanda samua iko coz Lady,Nancy,Anto dgn Ate so pulang duluan. sampe malam torang di Monas..blom puas lagi di Monas torang pigi di Taman Menteng ba jalan kaki..pokoknya reis kwa ini bitis. Abis dari Taman Menteng sebenarnya torang mo bawa pa Bemba pi Taman Lawang..mar torang tako jang Bemba ba jadi...hahahhaaa nyanda katu baku sedu... Pokoknya seru noh...makase for tamang2 yang so datang,mudah2an lain kali kalo mo baku dapa lebih banyak lagi yg mo ta kumpul. Napa itu torang pe foto-foto waktu ada baku dapa....

Tidak ada komentar: